Կանացի Օծանելիք AFFINESSENCE

Ֆրանսիական նիշային օծանելիքի Affinessence բրենդի պատմությունը սկսվում է 2013 թվականից։ Այն հիմնադրել է Սոֆի Բրյունոն, ով դեռ մանկուց հետաքրքրված էր օծանելիքի զարմանահրաշ աշխարհով։ Հետագայում, ստանալով երկու բարձրագույն կրթություն, նա որոշեց իր կյանքը նվիրել բույրերի ստեղծմանը։

Երկար տարիներ նա աշխատել է աշխարհի ամենահայտնի ապրանքանիշերում, ինչպիսիք են Yves Rocher և Lorience՝ խորապես ուսումնասիրելով օծանելիքի ստեղծման բոլոր նրբությունները։ Սակայն քանի որ յուրաքանչյուր բրենդ ունի իր սեփական փիլիսոփայությունն ու կոնցեպտը, իսկ Սոֆին ուներ բազմաթիվ սեփական գաղափարներ, որոնք երազում էր կյանքի կոչել, ստեղծվեց իր անձնական բրենդը՝ Affinessence անվամբ։

Բրենդի հիմնական գաղափարախոսությունը հազվագյուտ, բարձրորակ և բացառապես բնական ծագման բաղադրիչների օգտագործումն է։ Այդ մասին վկայում է նաև բրենդի անվանումը, քանի որ affinity բառը թարգմանաբար նշանակում է «հոգևոր հարազատություն, մտերմություն, նմանություն»։

Հենց այդպիսին են բրենդի բոլոր բույրերը՝ բնությանը և կրողի էությանը մոտ։ Դրանք չունեն գենդերային բաժանում, քանի որ, ինչպես նշում է Սոֆի Բրյունոն, ամենակարևորը այն էմոցիաներն ու զգացմունքներն են, որոնք բույրը արթնացնում է՝ դիպչելով մարդու հոգուն, և ոչ թե նրա սեռային պատկանելությունը։