CLIVE CHRISTIAN

Clive Christian-ը Վիկտորիա թագուհու սիրելի բրենդն է և դա ինքնին արդեն խոսում է շատ բանի մասին: Բրենդի պատմությունը սկսվել է 1999 թվականին, իսկ նրա հիմնադիր է հանդիսացել շքեղության և պերճաշքության նկատմամբ առանձնահատուկ սեր տածողի համբավ վայելող՝ հայտնի անգլիացի ոճաբան Clive Christian-ը:

Նա գնեց Մեծ Բրիտանիայի ամենատարեց առևտրային տներից մեկը հանդիսացող Crown Perfumery-ն, որն իր արտադրանքի բարձրակարգ որակի շնորհիվ դեռ 1872 թվականին արժանացել էր ամենաարժեքավոր պարգևի՝ դա թագուհի Վիկտորիայի թագն էր, որի հիման վրա էլ հետագայում ստեղծեց իր սեփական բրենդը: Ապրանքանիշի կողմից թողարկվող օծանելիքը դա մի ողջ դարաշրջանի խորհրդանիշ է, որը պահվում է փոքրիկ շշիկում և իրենից ներկայացնում է շքեղություն, կարգավիճակ ու բացառիկ արիստոկրատական ճաշակ:

Clive Christian-ը աշխարհում ամենաթանկարժեք օծանելիք արտադրողն է: Բրենդի օծանելիքագործները բույրերի կազմը համալրում են հազվագյուտ ու արժեքավոր բաղադրիչներով, ինչպիսիք են հնդկական սանդալը, որի արտահանումը խստագույնս վերահսկվում է կառավարության կողմից: Հենց դա է պատճառը, որ բրենդի օծանելիքները նախատեսված չեն լայն շրջաններում կիրառման համար և բույրերի քանակությունը խիստ

սահմանափակ է ու տատանվում է մի քանի հազար շշիկի սահմաններում: Իսկ ինչ վերաբերում է շշիկներին, ապա դրանցից յուրաքանչյուրն ինքնին հանդիսանում է արվեստի ստեղծագործություն, քանի որ պատրաստվում է բացառապես ձեռքով: Clive Christian-ի օծանելիքն այնպիսին է, որ երբեք կասկած չի առաջանում դրա որակակական հատկանիշների առնչությամբ: