Հավաքածու DOLCE & GABBANA

Dolce & Gabbana-ն իտալական ժամանակակից շքեղության ամենաճանաչելի տներից է, որը 1985 թվականին հիմնադրել են Դոմենիկո Դոլչեն և Ստեֆանո Գաբանան։ Երկու ստեղծագործողների տարբեր բնավորություններն ու մշակութային փորձը հենց սկզբից դարձան բրենդի ուժը։ Դոմենիկո Դոլչեի սիցիլիական արմատներն ու tailoring-ի ընտանեկան աշխարհը հանդիպեցին Ստեֆանո Գաբանայի ավելի քաղաքային ու գրաֆիկական զգացողությանը՝ ստեղծելով մի ոճ, որտեղ ավանդույթն ու սադրանքը գոյակցում են կողք կողքի։ Բրենդի պաշտոնական արժեքների մեջ հենց հակադրությունն ու ներդաշնակությունն են նշվում որպես ստեղծագործության կարևոր աղբյուրներ։

Սիցիլիան Dolce & Gabbana-ի տեսողական և զգայական ԴՆԹ-ի առանցքային տարածքն է։ Սև ժանյակ, կրոնական պատկերագրություն, ընտանեկան կիրակիներ, միջերկրածովյան բնություն, հարավիտալական կանացիություն, բարոկկո շքեղություն և տեղական արհեստներ՝ այս ամենը մշտապես վերադառնում է տարբեր ձևերով։ Տունը նույնիսկ իր պաշտոնական DNA-ն նկարագրելիս շեշտում է Սիցիլիան, ժամանակից անկախ սիլուետները և վարպետորեն մշակված գործվածքները։

Dolce & Gabbana-ի ուժը հակադրություններ սիրելու մեջ է՝ luxury և street, ավանդույթ և հետազոտություն, ստեղծագործություն և tailoring, չափազանցություն և խստություն, երազ և իրականություն։ Այդ նույն զգայական ու թատերական աշխարհը տարածվում է beauty և օծանելիքագործության վրա։ Այստեղ շքեղությունը երբեք չի փորձում աննկատ մնալ․ այն կապված է կրքի, մարմնականության, ընտանիքի, իտալական կյանքի հաճույքի և մեծ ժեստերի հետ։ 2023 թվականից ընկերությունն իր beauty արտադրանքների արտադրությունն ու բաշխումն իրականացնում է անմիջականորեն՝ ավելի սերտ կապ ստեղծելով նորաձևության և գեղեցկության աշխարհների միջև։