Dsquared2 բրենդի հիմնադիրները կանադացի եկու երկվորյակ եղբայրներ Dean և Dan Caten-ներն են, որոնք իրենց առաջին հավաքածուն թողարկեցին 1983 թվականին՝ առաջացնելով իրական պայթյուն նորաձևության աշխարհում: Եղբայրների երազանքը նորաձևության մայրաքաղաք Միլանում ներկայացվելն էր, որն իրականացավ 1994 թվականին: Նրանք ոգեշնչվում էին արվեստով, երաժշտությամբ, մշակույթով, շրջակա աշխարհով ու նրա գեղատեսիլ վայրերով և այդ ամենն արտացոլվում էր նրանց ոճերում: Հավաքածուներն անհավանական վառ էին, ներկայանալի, դրականով լիցքավորող ու լի՝ կյանքի հանդեպ սիրով: Հենց դա էր պատճառը, որ դրանք սիրվեցին աշխարհի երիտասարդության կողմից:

2007 թվականին եղբայրներն իրականացրեցին իրենց երկրորդ երազանքը և Միլանում բացեցին սեփական բուտիկը: Այդ ժամանակ նրանք արդեն վաստակել էին հաջողակ ոճաբանների համբավ, իսկ իրենց երկրպագուների շարքում հայտնվել էին աշխարհի առավելապես անվանի աստղեր: Ինչպես և կոլեգաների մեծամասնությունը՝ Dsquared2 բրենդն իրենից ներկայացնում է ոչ միայն որպես հագուստ ու կոշիկ, այլ նաև վառ աքսեսուարներ, պայուսակներ, թիկնապայուսակներ, ինչպես նաև համարձակ, հագեցած, նորաձևությամբ ներծծված ու երիտասարդական ոգով լի օծանելիքներ արտադրող կազմակերպություն: