FRANCK OLIVIER

FRANCK OLIVIER-ը ֆրանսիական օծանելիքի ապրանքանիշ է, որի բուրավետ ուղղությունը ձևավորվել է 1993 թվականին։ Սկզբնապես ստեղծված լինելով ֆրանսիական նորաձևության միջավայրում՝ բրենդը հետագայում կենտրոնացավ օծանելիքագործության վրա՝ պահպանելով մանրուքների հանդեպ ուշադրությունը, նրբագեղության զգացողությունն ու ֆրանսիական արտադրության ավանդույթը։

Ապրանքանիշի անվանումը կապված է հիմնադրի ընտանիքի հետ․ չցանկանալով սեփական անունը տալ նախագծին՝ նա ընտրեց իր երկու որդիների՝ Ֆրանկի և Օլիվիեի անունները։ Ժամանակի ընթացքում ընտանեկան շարունակականությունը դարձավ FRANCK OLIVIER-ի կարևոր առանձնահատկություններից մեկը, և այսօր ստեղծագործական աշխատանքին մասնակցում են արդեն երկու սերունդ։

Բույրերի աշխարհը բավական լայն է։ Մրգային ու ծաղկային կոմպոզիցիաների կողքին հանդիպում են ցիտրուսային, փայտային, մուսկուսային, համեմունքային, ամբերային և ավելի քաղցր ու խորը կառուցվածքներ։ Վերջին տարիներին ավելի ընդգծված են դարձել նաև ուդի, խեժերի, սանդալի ու տաք համեմունքների հարուստ մեկնաբանությունները՝ ընդլայնելով բրենդի նախկինում ավելի դասական ոճը։

FRANCK OLIVIER-ի ստեղծագործական մոտեցումը հիմնված է համագործակցության վրա։ Օծանելիքագործները, ձևավորողները և ստեղծագործական թիմը միասին մշակում են յուրաքանչյուր գաղափար՝ փորձելով հասնել հավասարակշռված ու հեշտ ճանաչելի արդյունքի։ Բրենդը միաժամանակ կարևորում է այն սկզբունքը, որ որակյալ ֆրանսիական օծանելիքը պարտադիր չէ լինի անհասանելի շքեղություն։

FRANCK OLIVIER-ի բույրերը համադրում են ֆրանսիական նրբությունը, ժամանակակից բազմազանությունն ու գործնական հասանելիությունը։ Թեթև ու առօրյա կոմպոզիցիաներից մինչև ավելի խորը, փայտային և զգայական ուղղություններ՝ ապրանքանիշը ստեղծում է լայն բուրավետ աշխարհ՝ պահպանելով ընտանեկան բնույթն ու Ֆրանսիայում արտադրելու ավանդույթը։