Եթե խոսել ISSEY MIYAKE-ի մասին, ապա սա բրենդ՝ ֆանտազիա է և մարդ՝ երազանք: ISSEY MIYAKE ոճաբանական ստուդիան բացվել է Տոկիոյում, 1970 թվականին և հենց այդ ժամանակվանից Միյակեն հաստատապես արձանագրել էր այն կարծիքը, որ առանց գեղարվեստական ստեղծագործության՝ բույրաջուրն ուղղակի բաղադրիչների, խտանյութերի ու յուղերի հավաքածու է, իսկ հագուստն առանց իրեն համապատասխանող հոտի՝ դա ընդամենը կտորի հատված է: Ահա թե հատկապես ինչու էր նա ստեղծում ոչ թե մոդելներ ու բույրեր, այլ՝ նրա ստեղծածն ամբողջական մարդկային կերպար էր: Դրանք բոլորը՝ կարծես միակը՝ լի են կյանքով, շարժմամբ, էքսպրեսիայով ու ռիթմով: Որոշների մոտ դրանք ասոցացվում են պարի հետ, մյուսների մոտ՝ սպորտի, այլոց մոտ՝ դա հետաքրքրաշարժ գիրք է կամ ճամփորդություն, բայց ոչ ոք չի կարող ասել, որ ISSEY MIYAKE-ն նրան թողնում է անտարբեր, չի բացում ներքին աշխարհի գաղտնի դռներ, որոնց հետևում թաքնված են ամենանվիրական երազանքները: