LANVIN-ը համարվում է Ֆրանսիայի առավելապես հին ու առավելապես հեղինակավոր նորաձևության տներից մեկը, որը հիմնել է ոճաբան Ժաննա Լանվինը: Բրենդի հայտնվելը տարեգրվում է 19-րդ դարի վերջի ժամանակաշրջանից: Ժաննա Լանվինը միշտ տարբերվել է գեղեցիկ հագուստի հանդեպ սիրով և արտաքին տեսքին հատկացնում էր շատ ժամանակ ու մեծ ուշադրություն: Նա և իր երեխաները միշտ հագնված էին անթերի ու ճաշակով: Դա գրավում էր իրենց հանդիպողների ուշադրությունն ու արժանանում խրախուսական հայացքների: 1889 թվականի վերջին Լանվինը կուտակեց բավարար գումար սեփական գործը բացելու համար, որին նվիրեց իր կյանքը: Փարիզյան Սեն-Օնորե փողոցի վրա նա ձեռք բերեց փոքրիկ խանութիկ և սկսեց կանացի հագուստեղենի կարումն ու վաճառքը: Աշխատանքից ազատ ժամանակ Ժաննան իր դստեր համար կարում էր հրաշալի զգեստներ և շատերը դրանք տեսնելով իրենց երեխաների համար Ժաննայի մոտ պատվիրում էին դրանց կրկնօրինակները: Դա իր հերթին դրդեց Լանվինին սկսելու ամենապատանի տարիքի նորաձև պճնուհիների համար հագուստի հավաքածուի թողարկումը: Ամենահետաքրքրականն այն էր որ այդ փոքրիկ հագուստները հանդիսանում էին մեծերի համար ստեղծված հագուստեղենի բացարձակ կրկնօրինակումները: Դա միանշանակ նորարարություն էր և անխոս հաջողություն:
Սակայն, այս ամենի հետ մեկտեղ՝ Լանվինի պատմության ամենանշանակալի ժամանակահատվածը դարձավ 1924 թվականը, երբ թողարկվեց նրա օծանելիքային գիծը: Առաջին բույրի ստեղծման ոգեշնչման աղբյուրը Լանվինի համար հանդիսացել է դաշնամուրի վրա նվագող նրա դուստրը, իսկ հաջորդ օծանելիքը նա անվանեց My Sin, որը գոյություն ունեցողների մեջ ճանաչվեց որպես յուրահատուկներից մեկն ու այդպես էլ չունեցավ նմանօրինակն ամբողջ աշխարհում: Նրա բույրերում զգացվում է գեղեցկության, ընտանիքի և իր գործի հանդեպ անսահման նվիրվածություն: Սա սեր էր ու քնքշություն, որոնք իրենց մարմնավորումները գտան օծանելիքներում:
Весь парфюм
