Nuria Du Chene De Vere

«Պարֆյումերիայի լեզուն սնվում է զգացողությունների անվերջ հոսքից, որոնք հարստացնում են մեր առօրյան: Հենց այդ պատճառով էլ հաջողված բույրի ստեղծումը մաքուր էմոցիա է»:

Նյուրիա Դյու Շեն դե Վերան ծնվել է 1993 թվականին Միլանում: Գրականության և փիլիսոփայության ֆակուլտետն ավարտելուց հետո, բույրերի հանդեպ ունեցած կիրքը նրան տարավ դեպի Գրասի պարֆյումերիայի ինստիտուտ (2017թ.): 2018 թվականից նա միացել է իտալական հայտնի Moellhausen ընկերության թիմին: Այստեղ Նյուրիան համադրում է իր ռացիոնալ և գեղարվեստական կողմերը՝ իրականացնելով իր մանկության երազանքը:

Ունենալով իտալական և իսպանական արմատներ՝ նա կրում է կոսմոպոլիտ ոգի և տիրապետում է չորս լեզուների: Նրա ներշնչանքի հիմնական աղբյուրները բնությունն ու ճամփորդություններն են: Նյուրիան մասնագիտացած է նորաձևության բրենդների համար «օլֆակտոր ձևեր» ստեղծելու մեջ, որոնք արտացոլում են բրենդի հոգին և մարդկանց ստիպում են երազել: Ըստ նրա՝ բույրը մարդկանց սրտերին հասնելու ամենահզոր միջոցն է: