GIVENCHY բրենդի պատմությունը սկսվել է 1952 թվականին: Նորաձևության տան հիմնադիրը Յուբեր դե Ժիվենշին է, որը բրենդն անվանեց իր անունով: Նա մասնագիտացած էր շքեղության պարագաների, հագուստի, կոշիկի, աքսեսուարների ու օծանելիքի արտադրության ուղղությամբ:

GIVENCHY ոճը միշտ տարբերվել է շքեղությամբ ու էլեգանտությամբ: 1953 թվականին նա սկսեց համագործակցել այդ ժամանակ դեռ իր դերասանական կարիերան նոր մեկնարկած Օդրի Հեփբյորնի հետ և երկուսի համար էլ դա դարձավ հիանալի փորձ: Ժիվենշին ու Հեփբյորնը GIVENCHY-ի համար ստեղծեցին լավագույն հագուստները, որոնք մինչ օրս չեն կորցրել իրենց արդիականությունն ու համարվում են չգերազանցված ոճի նմուշներ: Ի դեպ, Օդրին իր հերթին փայլում էր Յուբերի զգեստներով «Նախաշաճ Թիֆֆանիի մոտ» ֆիլմում:

1995 թվականին՝ նորաձևության տանը Ժիվենշիի տեղը սկսեց զբաղեցնել Ջոն Գալյանոն՝ ևս մեկ նշանավոր անձ նորաձևության ոլորտում: Նա ստեղծում էր ոչ միայն պրովոկացիոն հագուստներ, այլ նաև իր ցուցադրությունների ժամանակ կազմակերպում էր անհնարին շոուներ: Երբ Գալյանոն տեղափոխվեց այլ նորաձևության տուն՝ փոխվեցին նաև մոդելավորողները, սակայն արտադրանքի որակը դրանից չտուժեց և բրենդը պահպանեց իր համբավն ու հարգանքն աշխարհում:

GIVENCHY բույրերը հագեցած են յուրահատուկ ոգով: Դրանք կրել կարող են իրենց թույլ տալ աստղերը, հաջողակ մարդիկ և իրական նորաոճները, որոնք ամեն մի նոր բույրի թողարկմանը սպասում են անհամբեր ակնածանքով, իսկ դրանց պահանջարկն աճում է տարեց տարի: Ստացվում է, որ պահանջվածությունը դարձել է բրենդի որակի հիմնական ցուցանիշը