Տղամարդկանց օծանելիք AZZARO

LORIS AZZARO նորաձևության տան համբավի գագաթնակետը տարեգրվում է անցյալ դարի 70-ական թվականների սահմանում, երբ դրան ջերմագին սիրում և գովազդում էին աշխարհահռչակ ճանաչում ունեցող գեղեցկուհիներ, տաղանդաշատ Բրիջիթ Բարդոն ու Սոֆի Լորենը: Ժամանակն անցնում էր, ամեն ինչ փոփոխվում էր, բայց LORIS AZZARO բրենդի հագուստների ու օծանելիքի պահանջարկը պահպանվում էր՝ մնալով նույնքան բարձրակարգ և նույնքան պահանջված՝ հանրահայտ մարդկանց շրջաններում:

Բրենդի հիմնադիր Լորիս Ազզարոն ծնվել է բնիկ իտալացիների ընտանիքում, որոնք խորապես պաշտում էին իրենց հարազատ երկրի պատմությունն ու ավանդույթները՝ աշխատելով առավելագույնս ամբողջապես փոխանցել այդ սերն իրենց որդուն: Դա էապես ազդեց նրա ճաշակի ձևավորման վրա և հետագայում՝ նաև հավաքածուների ստեղծման վրա:

Ավարտելով Թուլուզյան համալսարանը, երիտասարդ և ոգեշնչված մոդելագործը մեկնեց գրավելու նորաձևության մայրաքաղաք Փարիզը, իսկ երկու տարի անց՝ հիմնեց սեփական նորաձևության տունը: Այդ ժամանակահատվածում նա ընդամենը 32 տարեկան էր: Նա երբևիցե չի ստեղծել բարձր նորաձևության համար նախատեսված հագուստեղեն, բայց նրա մոտ հագնվելու համար դիմող աստղերի թվաքանակը միշտ եղել է բազմաթիվ: Օգտվելով հասարակության սիրուց, LORIS AZZARO-ն սկսեց աքսեսուարների, պայուսակների և կոշկեղենի արտադրություն, իսկ 1975 թվականին՝ աշխարհին նվիրեց նաև առաջին տղամարդկային բույրը, որը հիանալիորեն համադրվում էր նրա ստեղծած հագուստների հետ և կերտում էր ամբողջապես հաջողակ ու ստեղծագործ մարդու կերպար: Ազզարոն մեկը մյուսի հետևից կերտում էր գլուխգործոցներ, որոնք տարբեր էին, բայց և միևնույն ժամանակ միավորված էին սիրո ու գեղեցկության ուժով: