Antonio Visconti

Անտոնիո Վիսկոնտին իտալացի պարֆյումեր, կրեատիվ տնօրեն և նիշային բրենդների՝ Antonio Visconti և Royal Crown հիմնադիրն է։ Նա սերում է Վիսկոնտիների ընտանիքից, որը դեռ 19-րդ դարի սկզբից զբաղվել է Ֆլորենցիայում կաշվի արտադրությամբ։

1857 թվականին նրա նախնին՝ Ավերարդո Վիսկոնտին, Փարիզում բացեց սրահ՝ Faubourg Saint-Honoré փողոցում, դառնալով ֆրանսիական ազնվականության համար ձեռնոցների և կաշվե իրերի առաջատար մատակարար։ Ավելի ուշ արտադրությունը տեղափոխվեց Գրաս, որտեղ էլ ծնվեց Անտոնիոն։

Մանկուց լինելով պարֆյումերիայի աշխարհում՝ նա վաղ տարիքից ծանոթացավ հումքի հավաքման, արտադրության և բույրերի ստեղծման գործընթացներին։ Հետագայում նա հիմնադրեց իր անվան բրենդը՝ Antonio Visconti, որտեղ սկսեց ստեղծել բարձրակարգ անհատական բույրեր։

Այսօր բրենդի հավաքածուն ներառում է մոտ երեք տասնյակ բույրեր։ Ամենահայտնի աշխատանքներից են Coeur de Vanille (վանիլային, գուրման), Terre de Feu (փայտային), Tabarom (ծխախոտային-ծաղկային) և Bois de Gayac (համեմունքային և սանդալային նոտաներով)։

2008 թվականին նա ներկայացրեց իր նոր նախագիծը՝ Royal Crown։ 2011 թվականին թողարկվեց առաջին հավաքածուն՝ 7 բույրով։ 2018 թվականին ստեղծվեց բրենդի բեսթսելլերներից մեկը՝ Sultan, արևելյան կոմպոզիցիա՝ մրգային, ծաղկային, զաֆրան, մյուռա, սանդալ և ուդ նոտաներով։

Այսօր Անտոնիո Վիսկոնտին ղեկավարում է իր բրենդները դուստրերի՝ Վալենտինայի և Նիկոլետտայի հետ։ Նրա վերջին նախագծերից է Imperial շարքը, ներկայացված Royal Crown բրենդի շրջանակում։