Փորձիր Ինձ - Benoit Bergia

Բենուան ծնվել և մեծացել է Grasse քաղաքում՝ ժառանգական պարֆյումերների ընտանիքում։ Նրա նախնիներից մեկը եղել է Հարավային Ֆրանսիայում սեփական պլանտացիաներ ունեցող քչերից մեկը, որտեղ աճեցվում էին բարձրորակ բույրային հումքեր, որոնք հետագայում օգտագործվում էին ամենահայտնի պարֆյումերական տների կողմից։

Նրա հայրը՝ Henri Bergia, հայտնի պարֆյումեր է։ Մանկությունից սկսած ներծծելով պարֆյումերիայի գաղտնիքները՝ Բենուան հեշտությամբ ավարտել է հեղինակավոր ASFO դպրոցը և կառուցել իր կարիերան որպես հումքային բաղադրիչների մասնագետ։

«Ինձ համար պարֆյումերիան զգացմունք է։ Դա պարզապես բաղադրիչների և բանաձևերի տեխնիկական հավաքածու չէ, այլ այն, ինչ տեղի է ունենում մարդու ներսում՝ նրա զգացումները, մտքերը և ցանկությունները։ Պարֆյումերիան պարզապես բույր “պատրաստելը” չէ, դա իրական արվեստ է՝ նոր բան ստեղծելու գործընթաց։ Այդ պատճառով կարծում եմ, որ պարֆյումերին կարելի է անվանել ոչ թե պարզապես “Քիթ”, այլ ավելի շուտ՝ Ստեղծող»։