White Spirit

Juliette Has A Gun White Spirit-ը դա բոլորի ու հատկապես գեղեցիկ սեռի յուրաքանչյուր ներկայացուցչուհու համար երկնքի կողմից պարգևված՝ շքեղ ու ձյունաճերմակ ծաղիկներից հյուսված պսակ է: Նրա բույրն իրապես գերող է, մաքուր, քաղցր, պայծառ ու թևավորող, իսկ դրա պատճառն այն է, որ ամեն մի ծաղիկ առանձին առանձին քաղված է հրեշտակի նրբին ձեռքերով, երբ նա իր բոբիկ ոտիկներով դեպի հեռուն հոսող փափուկ, փարթամ ամպերի վրայով դանդաղորեն քայլելով՝ կատարել է իր սովորական դարձած առավոտյան զբոսանքը: Juliette Has A Gun White Spirit-ը մաշկի վրա արտահայտվում է հասմիկային երփներանգ ալեկոծություններով, որոնց հնչեղությունն այնչափ գեղեցիկ է, որ դրանից կտրվել չի լինում: Երբեմն բույրը ստիպում է քայլ առ քայլ հետևել իրեն՝ շուրջը սփռելով կրեմային, մուսկուսային բազայում տարալուծվող բրաբիոնի հագեցված ու քաղցր նոտաներից հյուսված հարուստ սերուցքային փեշատուտ: