Երբ Ռոմանո Րիչչին ստեղծեց իր սեփական՝ JULIETTE HAS A GUN բրենդը՝ ոչ ոք չէր էլ կասկածում, որ նրա հաջողությունն արդեն կանխորոշված է: Անշուշտ, հռչակավոր ու մեծանուն Նինա Րիչչիի ծոռն ու բույրեր ստեղծող տադանդաշատ Ռոբերտ Րիչչիի թոռն ուղղակիորեն տարբերակ չուներ չմտնելու օծանելիքագործության պատմության մեջ:
Նրա ողջ մանկությունն անցել է պապիկի օծանելիքային ֆաբրիկայում և նորաձևության ու գեղեցկության աշխարհը նրան ծանոթ էին այնքան լավ, որքան որ դա հնարավոր էր: Արժե նշել, որ Ռոմանոն սիրահարված էր այդ աշխարհին: Պապիկը նրան սովորեցրել էր բոլոր այն հիմնարար սկզբունքները, որոնք կարևոր էին բույրային արտադրանք ստեղծելու համար՝ վարժեցրել էր նրա հոտառությունն ու լավ զարգացրել գեղեցիկի զգացողությունը: Այդ ամենի հետևանքով 2006 թվականին կայացավ նրա նոր բրենդի շնորհանդեսը, որը կրում էր JULIETTE HAS A GUN անվանումը: Անմեղ ու քնքուշ շեկսպիրյան Ջուլիետտան ներխուժեց 21-րդ դար, բայց հիմա նա զինված էր ու նրա զենքն իր բույրն էր: JULIETTE HAS A GUN հոտերի գծի ստեղծումն ուղղակի օծանելիքի արտադրություն չէր՝ դա առանձին պատմության ստեղծում էր: Սա Ջուլիետտայի կյանքի մեկնաբանությունն է, նրա հասունանալը, փոփոխությունները, որոնք կատարվում էին իր հետ այդ հասունացման ճանապարհին: Յուրաքանչյուր բույր ճառագում է կանացիությամբ, նրբությամբ, ներքին ոժով ու կամային բնավորությամբ: Բույրերի որոշ մասը ճառագում է շատ մեծ քնքշությամբ ու քիչ ուժով, մյուսներում՝ հակառակն է: Հերոսուհին հասունանում է, իսկ դրա մասին պատմող բույրերը մնում են տարիքից անկախ՝ տալով նրա աշխարհին հպվելու հնարավորություն:
Весь парфюм
.png)
.jpg)
